@ coffee shop while waitin' for train

Om Namah Shivay Om Vishnay Namah

Jan 30, 2008

aabhav agar hai to prabhu

aabhavi ko drishti deejiye

dukh se bhare iss sansar ko

sukh pehchanne ki shamta deejiye

main samajh nahi pata hoon prabhu

ki yeh bhedbhav kyun hai

koi kahani pehle se chali aa rahi hai

ya sabkuch swet hai

maloom hai kidhar base ho prabhu

phir bhi dar-dar dhoondta hoon tujhe

main aa raha hoon teri or

bus ik vinti hai prabhu ki

tu bhi kheech apni or mujhe

Kaveetayen

while @ Starbucks in NYC, in btw meetings

Om Namah Shivay Om Vishnay Namah

Jan 15, 2008

inn eemarton ki tarah khara

yeh aasman choomne ki chahat rakhta hoon

iss duniya ka bhoj jhel raha hoon

yeh aasman mein kho jaane ki chahat rakhta hoon

iss mukti ke vilaap ka anubhav

iss bhaari aabhaav ko nasht karne ki aasha rakhta hoon

meri aatma ki aawaz

maano kahin khule mein jhoom rahee ho

uss ki goonj ko dhoondta hua

main khoya-khoya sa mehsoos karta hoon

meri prabhu tak ki yeh yatra

yoon hee sampann ho jayegi

meri apni antaraatma tak ki yeh daur

bahut prem se mujhe shanti ka rahasya sikhlayegi

KAVEETAYEN2

Main apni samast kavitaon ki shuruvad 'Om Namah Shivay Om Vishnay Namah' se karta hoon Meri aapse vinti hai ki in kavitaon ko dharan karne ke paschaat aasan mein baith jayen (pairo ko ek dusre ke uppar, aalti palti) aur kamar seedhi rakh ke apni nabhi ke kendra par dhyaan karke 'Om Namah Shivay Om Vishnay Namah' ka gaan kare aur bilkul shaant ho jayen, Gaurav
Kaveetayon ka naam unki tareek hai

An Open Invitation

iss akelepan se agar main dosti kar loon

to kya maloom devta ka anubhav ho jaaye

iss yehsaas se yeh duniya tyaag dee hai maine

kya maloom yeh ehsaas kahin ehsaas hee naa reh jaye

aao sawaron mere jeev ko

main khula nyota deta hoon he prabhu

main aazaad hoon, main aabaad hoon

ab mujhe apna lo he prabhu

khulee hai chaukhat, kee meri chahat hai kee aap dastak bhi na do

yoon hee chale aao he prabhu

khula aangan hai yeh tann mera

sama jao aur bhasm kar do

mujhe nasht karne ka main aabhari honga tera

to aao prabhu aur khelo mere saath

dwaar khula hai, aur aangan aabaad

sideline

kitna kharaab hoon main

yeh khabar mujh ko de de

jitna kharaab hoon main

utni saza mujh ko de de

ruk mat ye prabhu

ruk-ruk ke saza na de

meri tere kareeb aane ki wajah

teri mere liye yeh saza na ho

yeh saza wajah na bane

mujhe apne kareeb lane ki

ik aisi wajah de de he prabhu

ik aisi wajah de de

reflection

hai chain ki khoj to aasman dekh le o saathi

hai aasman ki khoj to pakshi dekh le o saathi

aazadi aur mukti ki agar khoj hai to

zara andar jaankh le o saathi

apne karavan ka bhoj apne hi kaandho mein na utha o saathi

jiski khoj hai ussi ke bhoj ka bhoj na utha mere saathi

is khoj ka annt is bhoj ke annt se hi hoga mere saathi